Cutureel historische
Tuin
bij het Curaçaosch Museum
De Snip in het Curaçaosch Museum
Snip Gallery
Kura Hulanda Museum Afrikaanse Kunst
Kunuku
mainta tempran
ora harí di solo ta pinta nubianan ros
i rosea friu di mardugá hui pasa
muhando murayanan di kas grandi
ora gai kanta di alegria
ku lus a bolbe vense skuridat
den kurá di kabritu
lamchinan ta lanta
zonzá ainda di siño
buskando pech’i nan mama
pa baha hamber
i karnénan ku stèm hes
ta roga vitó habri port’i stal
pa nan sali bai mondi
band’i mangazina
un hòmber ta mula machete
miéntras fo’i mas aleu den kunuku
por tende kon chapinan
ta drenta tera topa piedra
i mucha ta kore grita spanta para
den vèlt di maishi
trabou ku wantombanan n’ logr’i hasi
den hòfi un mulina ta keha den bientu
miéntras su pipanan ta basha awa
boka yen den baki
i prikichi freipòstu ta hasi fiesta
den palunan di mespel i mango
ai! no gaña bo mes!
murayanan di kurá di bestia a kai aden
piedr’i mula ta bentá abou na suela
kibrá na mitar
mondi a sera tapa vèlt di maishi
i frus a venená e mulina
ku awor ta su so pará
meimei di algun tronkon yen di komehein
: bo kunuku n’ t’ei mas
i pronto nan lo kuminsá basha shushi
o habri kaminda pa konstruí kas… Carel de Haseth
